و مااااااااااااات زاااايد

بسم الله الرحمن الرحيم

دائما نتذكر الوالد الشيخ زايد بن سلطان ال نهيان

نتذكره يوم نشوف صور اولاده الله يحفظهم


نتذكره يوم نشوف التطور اللي صار

نتذكره حتى يوم نشوف علم الامارات يرفرف في سماء الوطن
و في خاطرنا نقول يا علم

الله يرحم من رفعك
و بهالمناسبه
حبيت اني اكتب لكم ابيات قصيده سمعتها

يقال انها للشيخ سلطان بن زايد ال نهيان

يقول :


الا يا عين عليج الله صيحي
ويودي بالدموع و لا تملي

و خلي الدمع هماله نضيحي
على خد تجعد من حزن لي

طوانا الهم و الغم الكسيحي
و حزن حل بي ما يضمحلي

الا وا راعي اللفظ الصحيحي
الا وا من سكن في ضامرلي

الا وا زايد الفذ الرجيحي
الا وا راعي المعروف ياللي

صدى ذكره ملا الكون الفسيحي
شراة البدر نوره يستهلي

كريم و الزمن صاير شحيحي
الا يا كم من فيضه نعلي

و يو اللال مالضحضاح ضيحي
سقانا زايد و به نستظلي

قراح الماي من عقبه مليحي
و ليس الزاد عقبه سايحلي

و عقبه لاهب الحسرة لفيحي
و عقبه لا سعاده و لا تسلي

حريم مالخدر تظهر تصيحي
تشق الجيب و تنوح و تولي

و شياب لحاهم يستبيحي
غزير اتلدمع خرسها يهلي

مصاب مدلهم لو يليحي
على صم الصخر اضحى مولي

و ذكره لا يزول و لا يبيحي
غرس حبه ابويه في حشى لي

الا يا رب يعله مستريحي
و فالفردوس تجعله محلي


لا تنسو الشيخ زايد من دعاكم ترا فضله علينا كبير و مابنوفيه الا بالدعاء

الله يرحمه ويغمد روحه الجنة





مشكووووووورة عالطرح

تسلم ع المرور

الله يرحمه ويدخله فسيح جناااته

ومشكوووره ع القصيده

ااامين

تسلمين ع المرور